凱薈

营业中

休息中

今晚约咗三五知己，中秋聚一聚，顺便倾吓下次去旅行嘅计划。叫咗个晚餐，四个人唔洗一千蚊。黑糖叉烧叉烧肉质鲜嫩多汁，完美融合咗黑糖嘅香甜同独特嘅风味，令人回味无穷。金沙墨鱼仔墨鱼仔经过炸制后，表面金黄嘅面包糠，酥脆可口。但入面仍然保持著嫩滑嘅口感，而且尝到淡淡嘅海鲜风味。姬松茸炖螺头汤姬松茸炖螺头汤口感浓稠。姬松茸嘅浓郁香气同螺头嘅鲜味突出。绝对系冬天暖胃养身嘅好选择。咖哩生油焗大虾大虾鲜嫩多汁，咖哩酱汁微辣可口。由于大虾以生油焗嘅方式烹制，令大虾保持咗原汁原味嘅口感，同时又吸收咗咖哩同洋葱调配出嚟嘅香气，啖啖肉十分滋味。招牌酿焗响螺以大响螺造型器皿载入嘅响螺，酿上鲜嫩嘅肉馅同洋葱，焗至金黄酥脆。肉馅肉汁丰富，响螺口感带鲜甜，令人难忘。头抽煎班片新鲜嘅班片沾上特制嘅酱汁，然后以高温煎炸，令班片嘅外层酥脆，内部保持鲜嫩嘅口感。头抽酱汁咸香味配合炒香嘅四季豆，加上出色嘅镬气，非常出色。淮山钻石浸羽衣甘蓝羽衣甘蓝爽脆可口，搭配淮山清优嘅独特香气，简单却美味。加入咗蕃茄粒，更清爽同有营养，滋味又健康。餐厅位处尖沙咀The One 高层，饱览香港维港景色。