Pizza Piazza

营业中

休息中

今日同朋友黎呢D2睇戏，落车行过见到附近呢间不太起眼嘅Pizza店，见已经到食饭时间就试下，夜晚七点几钟都唔少客，坐低点咗一个晚市二人套餐，都几丰富，可以点一个小食，两款主食，都可以加钱要甜品，同埋已经包两个嘢饮同埋两个汤。头盘我哋要咗大虾沙律，份量非常足够，而且dressing 方面，拌得非常均匀，大虾亦都非常之爽弹，而且有芝士碎粒喺面，但系又唔会太过抢味。主菜来了，我哋叫咗一个Pizza同一个肉酱千层面，Pizza方面系可以做half half 而且唔使加钱的，所以非常之好，唔使怕食食吓会厌，我哋点咗蓝芝士牛肉Pizza同埋全肉乐园Pizza，大约各款切了4件。蓝芝士嘅味道唔算太过强烈，所以唔食蓝芝士嘅朋友都可以尝试一下，牛肉量亦很多。全肉乐园Pizza用了都不少，茄汁底加上全部都系肉和洋葱丝，啱晒我哋呢啲食肉兽。肉酱千层面焗得啱啱好，芝士面层唔会太㶶，而且酱汁唔会太淡，每一啖都好juicy。全部食物都有用心之处，值得一提女店员服务态度好好，系值得帮衬多次嘅餐厅。