楓．新日本料理 (已易手) 新餐厅

上星期约左几个难得一见的旧同学食饭，有人提议试哩间，见到d食评话唔错，咁就入左去试了~~~~一入到去，环境唔错，麻雀虽小五脏俱全，适合三两知己食下饭、倾下计~~~每次食日本野，一嚟就梗系食左个刺身先啦~估唔到人生第一次踏入土瓜湾，就食到咁正的刺身，不但有剑鱼背、甘鱼、吞拿鱼、希灵鱼、八爪鱼、三文鱼，仲有法国蓝龙虾!!!! 救命呀!!! 龙虾呀!!!! 超新鲜超好味!! 除左味觉享受，但要有埋视觉享受，个龙虾头，仲识郁呀!!!!!跟住，另一个正野就系锅烧蓝龙虾野菜稻庭乌冬，无错! 又系龙虾，不但止有龙虾肉，仲要连个汤都有好浓郁的龙虾味! 除左龙虾，我地都有食到d平民野 日本芝麻鸡翼 和 玉子卷，原来哩间餐厅，不但止系特别野好食，就连平民普通野都好食!!!个玉子卷虽然唔难整，个要好食到要回味的程度，就唔系间间都做到，但哩间，第一次试的餐厅，就做到喇!!!! 好味!!!! 回味!!!!!!最后，其实大家都已经饱饱地，但都再叫多个甜品嚟食~~~日本芝士年糕，老板教我地个年糕要在中间切开，再用中间个芯(芝士饀)点沙糖，四个字「一试难忘」! 少少甜少少咸，又唔腻，饱饱地都仲可以每人食2粒!!!!正