金田家 (已結業)

虽然家住将军澳区，但话说将军澳中心装修咗之后，我都冇去过。今日放工去左买啲野，顺手喺附近食埋先返屋企。！！金田家！！柚子辛口拉面 $98追加：溏心蛋+$14、黑豚肉叉烧+$33女朋友说：我本身唔钟意食辣嘅拉面（虽然我食得辣），但系见到呢个柚子味又想试吓。比我想像中好食，酸酸甜甜但系又有辣，一啖有齐晒。汤底好浓厚，而且好有葱味，系会想饮晒佢！另外值得欣赏嘅系我本身钟意食偏幼嘅拉面，而且佢软硬度适中，好食！黑豚拉面$98追加：加面+$12、黑豚肉叉烧+$33男朋友说：拉面一上台当然系试下个汤底先啦，豚骨汤底好入味，同埋食唔出有落味精，好好饮，加上面质岩岩好，真系每一啖面系享受。但系面嘅份量唔系好够喉，加左面，店员好贴心问我即刻上定系一阵先上，加埋面饮晒汤，好满足。小食：山葵蛋黄酱饺子 $38/4只饺子外脆内多汁，本身有蛋黄酱嘅野食真系冇得输，系一定会好食嘅。而且再加啲山葵（即系哇沙be)，咁样配搭真系好新奇又好食，值得一试。特饮：姜汁柚子梳打 ＄24特饮：草莓乳酸梳打 ＄24姜汁柚子梳打比我想像中好饮，一开头我仲系咁说服我男朋友我要叫杯士多啤梨味，因为我惊姜汁柚子唔好饮我都仲可以有士多啤梨