奈良上釜 (已結業)

每次食日本野都有好多拣 有寿司 放题 shabushabu 炉端烧 有几可会谂都去食釜饭呢 早几日朋友放工突然间约食饭㖞 咁突然谂唔到食乜嘢 就谂起登龙街有好多嘅餐厅咁就求其去左一间嚟食入到黎发现原来系食釜饭 老实讲我就真系无食过 都好似几新鲜咁 即管试吓好唔好食落完单之后 店员就俾咗啲前菜我哋食 前菜有茶碗蒸 冻豆腐 同埋d渍物 哇个茶碗蒸劲好食佢啲蛋应该系用高汤煮过 所以劲香同个汁同个多好夹 朋友同我都大赞 而个豆腐都好有豆香主菜黎喇我点𠮶个系银鳕鱼釜饭 而我朋友果两个都系蟹肉釜饭 先讲讲我个银鳕鱼先啦 佢个银鳕鱼好有油香 捞埋落个饭度 绝对可以食多碗饭！ 而佢个饭唔系净系白饭咁简单！ 佢系用高汤煮嘅饭 所以好香 连埋个鱼一齐食个味都好夹！食到落底仲有得食饭焦添！而我两个朋友食嘅蟹肉釜饭上面嘅蟹肉超多 仲好有鲜味 无得顶我哋食完都只不过系七点 好彩我哋早啲嚟咋出边已经排晒长龙噜 所以下次一定要订位！唯一要弹嘅系个份量都比较少 我哋食完个饭仲食咗个甜品先肯走