影片
更多
2019-01-20
1274 浏览
虽然观塘近年多左好多工厦餐厅，但总系卖的都系一式一样西餐，价钱分分钟仲贵过系apm食，所以对我而言仍欠缺吸引力。偶然发现呢间工厦韩式餐厅「JK brothers」，价钱合理，食评都唔错，可以安心去试试。虽然装修欠奉，兼且大部分都系冇椅背座位，抽风系统亦一般，但食客都络绎不绝，目测都系女士为主，或者女仔比较喜欢韩食。餐牌选择都唔少的，有炸鸡、饭、冷面、铁板、锅物、小食等等。炸鸡看似系名物，就点了柚子蜜炸鸡（半份$98）。鸡件炸好之后，交由店员在铁板上淋上柚子蜜快炒。虽然半份得5件，但每件都大大旧，有半个女仔拳头大。趁热辣辣的咬一口，柚子蜜的甜充满口腔，被柚子蜜包裹的鸡感觉变得唔热气，炸粉亦唔厚，腌味都足够，鸡件好滑溜，系出乎意料的好食。步兵锅（$138）即系部队锅，相信都唔需要多介绍，材料非常足，有肠仔、午餐肉、年糕、鱼糕、面、蛋、菜、冬菇、泡菜、芝士，分量好多，如果系出面食，呢个锅最少$200。部队锅我都整过，系完全零难度的菜式，汤底最紧要辣，然后放晒所有材料就ok，因为大部分材料都是现成，系预想得到的味道，但最少一定唔会有伏，呢度的亦一样。其实食到呢度已经好饱，之前唔知分量咁多，亦太
偶然发现呢间工厦韩式餐厅「JK brothers」，价钱合理，食评都唔错，可以安心去试试。
虽然装修欠奉，兼且大部分都系冇椅背座位，抽风系统亦一般，但食客都络绎不绝，目测都系女士为主，或者女仔比较喜欢韩食。
餐牌选择都唔少的，有炸鸡、饭、冷面、铁板、锅物、小食等等。炸鸡看似系名物，就点了柚子蜜炸鸡（半份$98）。鸡件炸好之后，交由店员在铁板上淋上柚子蜜快炒。虽然半份得5件，但每件都大大旧，有半个女仔拳头大。趁热辣辣的咬一口，柚子蜜的甜充满口腔，被柚子蜜包裹的鸡感觉变得唔热气，炸粉亦唔厚，腌味都足够，鸡件好滑溜，系出乎意料的好食。
步兵锅（$138）即系部队锅，相信都唔需要多介绍，材料非常足，有肠仔、午餐肉、年糕、鱼糕、面、蛋、菜、冬菇、泡菜、芝士，分量好多，如果系出面食，呢个锅最少$200。部队锅我都整过，系完全零难度的菜式，汤底最紧要辣，然后放晒所有材料就ok，因为大部分材料都是现成，系预想得到的味道，但最少一定唔会有伏，呢度的亦一样。
其实食到呢度已经好饱，之前唔知分量咁多，亦太看得起自己食力，所以叫埋芝士蛋卷（$46），虽然卖相唔错，但个心都凉左一截，唯有尽力啦。蛋煎得好滑嫩，里面的芝士系流心的，的确几好食，为免芝士馅流出来，所以蛋卷系原条上，食的时候要自己切。
饮品叫左一瓶墨尔本的翡翠（$78），即系菠萝特饮，渐变色的卖相好靓，饮落菠萝味虽然唔重，但几好饮，而且冻冰冰，搭配浓味食物就最适合。
基本上呢个价钱，质素已经唔会点挑剔，唯一系分量偏多，最好人多才来，人少就要量力而为了。
张贴
