有料案內所 (井財街)

营业中

休息中

难得去屯门 所以就趁呢个机会去食有料案内所😎我3个人 都等左几个字先入得 因为店内唔系好多位 通常多过2个人等位都会耐少少 我地点左小丸子抹茶红豆麻糬窝夫同士多啤梨蓝莓芝士奶盖刨冰 其实本身好挣扎叫窝夫定系叫梳乎厘班㦸好 但最后都拣左窝夫 喺等甜品黎既途中见个个都系点梳乎厘班㦸 我就心谂 死啦 系咪应该叫班㦸唔好叫窝夫呢 之后同自己讲应该窝夫都好食嫁首先系窝夫黎先 一黎到已经急不及待要食 咬左一啖 omg!!!!抹茶味相当够 不过食得多会觉得好甜 之后小丸子加窝夫一齐食 不得了 我个人系好钟意食小丸子呀麻糬呢类烟烟韧韧既野 所以我觉得好好味 因为佢啲麻糬唔系得小小 份量系好足料 呢窝夫真系相当之高分之后个士多啤梨蓝莓芝士奶盖刨冰呢 我都觉得好味 啲冰系充满住士多啤梨味 唔会话纯粹系冰 加埋芝士奶盖又甜又咸咸地咁 味觉上会有冲突 不过温馨提示 我觉得要至少3个人share先得 因为份量好多同会好漏