樂活煮意 (裝修中)

知道佢开咗好耐，每次行过都见到佢啲餐牌好似好健康咁样， 硬系就系唔想试 今日新春假期 其他舖头冇开 ，唯有入去一博。出乎意料地好， 叫咗两个午餐 ，一个头抽海鲜炒饭 一个白汁鸭胸意粉。炒饭完全系酒楼水准， 虽然并冇好多海鲜 ，只系食到鲜虾炸鱼粒同埋几条烂鬼蟹柳 ，不过炒得非常之香 ，食得到佢加咗xo酱 ，重本之余相当惹味 推介。 唯一觉得奇怪系佢唔知做乜嘢将一件牛油多士切粒淋上面。 不禁怀疑佢系咪多咗件牛油多士唔想嘥。白汁鸭胸意粉， 卖相非常之靓 ，鸭胸亦都 ，厚切 ，味道相当之唔到 ，之不过食得出个意粉汁 同埋个餐汤一样， 完全系食紧一罐金宝汤， 未到100%一模一样， 唔难食不过亦都唔见得特别好味。标准餐汤 白色蘑菇忌廉汤 就系一罐金宝汤嘅味道最开心系杯餐饮 ，叫咗冻鸳鸯少甜少冰， 水桶咁大杯 ，虽然冇量过但系我怀疑有500毫升， 可以媲美一杯珍珠奶茶， 抵饮夹大件。两个午餐加埋冻饮全部144蚊， 唔系好贵亦都唔系好平 ，但系餐厅装修非常舒适高雅， 值回票价唯一一题！ 卡位张櫈好高 ，张枱好矮 ，5尺8吋以上 相信全程要弯低身 食食下有啲辛苦！