影片
更多
2011-04-21
8 浏览
铜锣湾的食肆多如恒河沙数, 但真的好餐厅却不多, 所以每次去食饭都要做吓RESEARCH; 今次就试成日都经过, 但都未食过的鱼泉。未入去之前先在店外睇吓个MENU, 有成十几个不同款的定食, 好似几好咁㖞就行咗入去...... 坐低后, 侍应攞个餐牌比我地, 由于D食物照影得太好, 我的选择障碍症又发作, 既想食鱼生饭 (HKD88), 鳗鱼饭(HKD68)又好似好好食, 点算? 难得朋友同我一齐病发, 好, 咁就叫哂2个SHARE食啦!定食包前菜、味噌汤、沙津或蒸蛋; 先讲个前菜, 系麻酱伴牛舌, 几特别, 而且几好味㖞, 有心思; 味噌汤虽然唔系好够热, 但胜在有蔬菜的甜味, 有诚意; 蒸蛋我冇试, 朋友话好滑; 沙津伴麻酱, 都唔错呀。先嚟嘅主菜系鱼生饭, D鱼生多到睇唔到D饭! 鱼生好新鲜, 重有海胆同三文鱼子呢D贵价野, 真系一个字~正! 鳗鱼饭系用韩式石锅上, 热辣辣好吸引, 有2大片鳗鱼, 饭里面加咗紫菜同蛋丝, 令到个饭香咗同靓咗, 加埋浓浓的鳗鱼汁, 好味! 唯一的问题系石锅令到有饭焦, 所以食到底下嘅饭有D硬。呢个LUNCH真系唔错, 下次再去试佢地其他嘢。
铜锣湾的食肆多如恒河沙数, 但真的好餐厅却不多, 所以每次去食饭都要做吓RESEARCH; 今次就试成日都经过, 但都未食过的鱼泉。
未入去之前先在店外睇吓个MENU, 有成十几个不同款的定食, 好似几好咁㖞就行咗入去...... 坐低后, 侍应攞个餐牌比我地, 由于D食物照影得太好, 我的选择障碍症又发作, 既想食鱼生饭 (HKD88), 鳗鱼饭(HKD68)又好似好好食, 点算? 难得朋友同我一齐病发, 好, 咁就叫哂2个SHARE食啦!
定食包前菜、味噌汤、沙津或蒸蛋; 先讲个前菜, 系麻酱伴牛舌, 几特别, 而且几好味㖞, 有心思; 味噌汤虽然唔系好够热, 但胜在有蔬菜的甜味, 有诚意; 蒸蛋我冇试, 朋友话好滑; 沙津伴麻酱, 都唔错呀。
先嚟嘅主菜系鱼生饭, D鱼生多到睇唔到D饭! 鱼生好新鲜, 重有海胆同三文鱼子呢D贵价野, 真系一个字~正!
鳗鱼饭系用韩式石锅上, 热辣辣好吸引, 有2大片鳗鱼, 饭里面加咗紫菜同蛋丝, 令到个饭香咗同靓咗, 加埋浓浓的鳗鱼汁, 好味! 唯一的问题系石锅令到有饭焦, 所以食到底下嘅饭有D硬。
呢个LUNCH真系唔错, 下次再去试佢地其他嘢。张贴
