影片
更多
2009-12-13
3 浏览
小弟既目标系食尽全港既日式放题，琴晚又出动了！本身见到网友话呢间野唔掂，咁又见到佢有优惠券，都不妨去试试！我已经系两点几左右订位，但系都已经得番六点同七点九，睇黎生意都唔错。我地好准时咁系六点到左，之后佢安排左一张独立枱比我地，唔驶同人地「对食」，认真唔错！坐低无耐，就有人黎问驶唔驶加打边炉，同埋有无公司优惠券，大家记得要拎晒优惠券比佢地啊，如果唔系比钱个阵就唔算数。我好欣赏佢地会提番，海胆优惠券系要加番服务费八元八角既，咁样可以避免好多不必要既争论。佢地真系好多野食，中式、日式、韩式、火㶽咩都有，我特别推介佢几样野：（一）刺身：真系几新鲜，同埋跟足份量（你写五块佢比足你）；（二）清汤腩：佢ｄ牛腩真系整得几「淋」；（三）大蚬：打边炉个边既，好有口感；（四）鸡软骨：要再赞，因为炸到好好，又有口感；（五）多春鱼天妇罗：炸得唔会太油，而且ｄ春好大条；（六）八爪鱼前菜：好大只，同埋好新鲜有口感；（七）海胆：呢个要用优惠券或者就咁叫，唔腥同几滑；（八）酒浸鸡翼：浸得几入味，不过唔好食得太「深入」，因为入面红红地；（九）花之恋：ｄ三文鱼好大块，仲有成两片添。好啦！赞完佢既好野，小弟亦都要讲下「五大
本身见到网友话呢间野唔掂，咁又见到佢有优惠券，都不妨去试试！我已经系两点几左右订位，但系都已经得番六点同七点九，睇黎生意都唔错。我地好准时咁系六点到左，之后佢安排左一张独立枱比我地，唔驶同人地「对食」，认真唔错！
坐低无耐，就有人黎问驶唔驶加打边炉，同埋有无公司优惠券，大家记得要拎晒优惠券比佢地啊，如果唔系比钱个阵就唔算数。我好欣赏佢地会提番，海胆优惠券系要加番服务费八元八角既，咁样可以避免好多不必要既争论。佢地真系好多野食，中式、日式、韩式、火㶽咩都有，我特别推介佢几样野：
（一）刺身：真系几新鲜，同埋跟足份量（你写五块佢比足你）；
（二）清汤腩：佢ｄ牛腩真系整得几「淋」；
（三）大蚬：打边炉个边既，好有口感；
（四）鸡软骨：要再赞，因为炸到好好，又有口感；
（五）多春鱼天妇罗：炸得唔会太油，而且ｄ春好大条；
（六）八爪鱼前菜：好大只，同埋好新鲜有口感；
（七）海胆：呢个要用优惠券或者就咁叫，唔腥同几滑；
（八）酒浸鸡翼：浸得几入味，不过唔好食得太「深入」，因为入面红红地；
（九）花之恋：ｄ三文鱼好大块，仲有成两片添。
好啦！赞完佢既好野，小弟亦都要讲下「五大禁叫系列」：
（一）海蜇：佢用埋ｄ骑呢酱捞埋黎整，搞到有阵怪味；
（二）寿司：其实佢唔系难食，而系ｄ饭太大个同硬；
（三）串烧：佢落得太多酱，搞到好咸，而且有点难食；
（四）三文鱼骨：真系「骨」黎嫁，无肉食；
（五）肥牛：火㶽系列，不过太肥了，成块都系肥膏。
我好欣赏呢间放题既侍应，佢地收碟真系收得好快手，又真系「有求必应」，例如我地叫佢地收炉，虽然侍应甲唔得闲，但系佢地会即刻叫侍应乙跟进；同埋佢地都好醒目，好快睇到我地有吉碟，或者火㶽唔够汤，即刻派人黎帮手。
未到七点，ｄ位都已经爆得七七八八，ｄ客大多数都系订位，我地由六点食到八点都系得一家人系即场等位，所以大家最好订左位先。另外，佢地真系好准时咁问你last order，必定系早半个钟，所以点野食要够快，同埋千万记得写低枱号，如果唔系佢地唔会落order。美中的确有不足既，就系漏单情况几严重，因为侍应系跟住张纸既野入单，加上我地用铅笔写，所以佢地好容易睇漏，又或者成张纸整跌左／唔见左，所以如果你发觉ｄ野食黎唔齐，与其不断追佢，不如写过张好过～～～
整体而言，呢间放题真系好有心做，不过始终人多手脚乱，如果大家想食得开心ｄ既，最好都系平日去啦～～～临走佢会送现金券同海胆券，到时记得拎啦！
张贴