快樂蜂 (亞皆老街)

营业中

休息中

早两日行过，又好耐未试过，于是上嚟睇吓啦！千挑细选之下，叫咗呢个餐，我全程用广东话，店员就全程用英文，咁就出事啦！佢畀咗两件鸡，一个酱，一杯汽水，加埋个有编号嘅牌畀我，我好自然就捧住个盘揾个位等，隔咗无耐，有个店员捧住包薯条嚟，咁就出事啦！我叫嘅系薯蓉，唔系薯条，之前落单嘅店员以为我叫𠮶个餐，一定系配薯条啦，虽然我落单时，讲明要薯蓉，明显佢唔识听。算！反正呢间好耐未试过，薯条要杀，唔换，睇吓咩味道。先讲两件鸡，肉质系比KFC同老麦实净，虽然脆但唔觉得特别好食，个酱仲衰，唔系个色，以为系水嚟嘅，无味又稀，点同唔点，分别只系令件鸡湿啲同干啲啫。薯条系比老麦硬身，但份量少，一个咁嘅餐，两件炸鸡，一包细薯，一杯汽水，只能够叫过吓口瘾，几乎叫无嘢落隔，仲要50大元，完全唔值。