唐人坊 (已結業)

参加半日游，团餐带我哋到呢度食午餐，红磡一条横巷内一间茶餐厅，餐厅内外都放咗好多出前一丁同合味道嘅精品或道具比客人影相，内部就普通茶餐厅格局，座椅好迫！所以坐定都唔敢郁！听老板讲解落单程序，再推介下面食福袋，店员就过来落单，主菜其实你拣捞面/汤面！加拣饮料（热绿茶/冻柠檬利宾纳）之后捞面上先（因为事先渌定！等待期间可以影下相！导游已事先讲咗汤面会耐，因为即渌，捞面事先渌好，但店家出晒面之后，大家食好晒先出到自助餐嘅小食，时间有啲耐！蜜汁猪颈肉配黑蒜油汤出前一丁：猪颈肉好肥腻，最惨系唔干身，啲肥油已凝固了，无咗平时外脆内软又油香满咀嘅口味！汤面见好多蒜油，但闻落无乜香味，面系即食幼身拉面，滑但唔弹牙，汤够热，虽然味精但可接受！一般！脆皮鸡扒捞出前一丁：朋友食！小食：锡箔纸盘盛，咖哩角春卷：只食到咖哩角，炸得香脆，咖哩味几浓！好味什果沙律：水果切得比较大件，苹果同薯仔为主，爽脆酸甜，沙律酱薄身！酸酸地开胃迷你虾多士：炸到金黄色，唔系多士底，似鱼蛋夹啲虾胶，鱼蛋弹牙，几滑！虽然油腻但好味！甜品：日式红豆和菓子：现成胶盒攞出来，有块胶叶包起，红豆甜点，红豆馅几滑身，份量唔多，味道甜甜地，半透明