甜品工房 (已結業)

呢间crossover店限定一个月，男友指定话想试，好啦，队长乐意奉陪到底。去到舖头已经贴晒清仔系橱窗，侍应都披左件清仔袍，好抢眼。其实全店都得番出前一丁x甜品既餐，但都几抵食，$60有碗面+甜品，平时系到食个甜品都$40啦！呢到系食拉面果只捧丁面，无即食面食架，队长都系第一次试呢只面，呢到有猪骨、黑蒜、味噌，带病在身，都系试下猪骨算。碗面一拎埋黎好大阵出前一丁既招牌麻油味，其中一片日本鱼旦印有清仔头，食落口好硬，得个样；d面原来系白色，我仲以为系平时去拉面舖食果d黄色拉面，入口无皂水味，有d似食米线甘，而且煮得软硬适中，无谂过糖水舖煮面都有一手；碗面都唔hea，有2片叉烧，当然系薄切（厚切你就想😏），但当然唔好抱太大期望系块肉到，少少鞋鞋地啦。食完碗面，侍应先会帮你落甜品单，因为系即制，有5款拣，其实应该食刨冰果个最抵，因为见隔离台果个都几大个，但都系唔想食甘多冻野，叫左个pancake同木糠布丁，上台就比个木糠布丁抢晒镜，因为大大个清仔头系上面，食落都几creamy，唔错；至于个pancake就普通啦，原味pancake加绿茶雪糕，2样都系普通，个雪糕仲要冻到结晒冰，要摊一阵先食得