潮州合成甜品

营业中

休息中

呢间糖水舖就真系出名，见到有好多游客都慕名而来！但其实我最惊呢啲出名嘅嘢，好多时出咗名个水准就会下降！但系呢间合成糖水绝对系例外。无论门面以及内部装修都维持着住怀旧嘅风格，虽然旧就旧啲，但系而家香港买少见少㗎啦。朋友话呢度嘅清心丸最出名，咁就梗系食一个清心丸啦。我就叫左冰花腐竹雪耳清心丸，贪佢够滋润啱晒冬天饮。 虽然卖相就差左少少，但系味道确实不错。腐竹煲得好淋入口即化，但系雪耳仍然系爽口嘅。加埋嘅清心丸就咩口感都有啦。至于味道方面就唔会一味得个甜字，食落去好顺口好舒服。冬天饮好正！ 各位下次嚟九龙城食饭记得留肚去食呢间糖水舖呀！