恆河咖喱屋 (已結業)

恒河咖哩屋都算系喺港岛几出名嘅印度餐厅，但笔者喺港岛住咗咁耐都系第一次食。可能因为期望愈大，失望愈大。铁板 Chicken Tikka 基本上用铁板上菜嘅嘢食都好少好难食，所以味道的确算系ok，系成餐饭最好食嘅菜式。但个鸡食落略嫌唔够Juicy，调味又唔算惹味。行货质素。水鱼之选嘅咖哩软壳蟹菜式连加一接近$200，但上菜只有两只软壳蟹同唔算多嘅咖哩汁。平心而论，个咖哩汁有咖哩香气，味道丰富同口感都浓稠，但份量太少。同埋软壳蟹冇平时食开𠮶种好多膏好有油香嘅感觉，所以即刻逊色咗好多。海鲜炒饭(?呢个系屋企人嗌，我都唔记得叫咩名。印象中唔使$100，足料都抵食。但味道普通，冇乜记忆点。芝士印度烤饼唔记得影相，但完全冇芝士味。烤饼亦偏干，冇平时食开𠮶种松软口感。平时笔者可以一个人食两大块，𠮶晚食半块已经唔想再食了。Mango Lassi都系唔记得影相🥲口感偏稀，唔够乳酪香气。总结：价钱除咗某几款菜式外，都算正常定价。但质素偏行货，区内有更好嘅选择。如非突然口痕非食印度菜不可，又懒唔想离开筲箕湾，唔建议食。