群記清湯腩 (已結業)

群记牛腩店系牛腩街都算出名，即使店位于大埔，之前都试过14:00去觅食，一去就已经被通知话请啲牛腩已售完，当时就已经知道群记牛腩店一定有佢嘅特色之处。相隔几个月，我再唔死心去多次希望可以有机会食到啦，一去到见到门前冇收完嘅字眼已经非常兴奋， 两点多入去即刻有位坐，就嗌左一碗爽览河粉，一碗牛腩牛筋米粉，本身想多叫一个牛骨汤但系一问之下，店员话所有嘅汤面都系牛骨汤底，所以就冇需要特别再叫。爽腩河粉非常出色，一入口就知道同普通牛腩唔一样，食得出系牛最Q弹嘅部位，黐住一层薄薄筋膜，烟烟银银，又爽又脆，食完完全明白佢价钱贵过其他牛腩嘅地方，加上牛骨汤非常出色一上枱，首先汤面就有一层博博嘅油脂，一入口质感非常之浓郁，牛味出众。相比之下牛腩牛筋就比下去了，但不得不提就系牛筋分量非常多，同牛筋系煮到好似花胶咁林入口即溶，呢个价钱来讲非常抵食。当日我哋大约2:45坐低，当我哋点完餐开始食嘅时候，就已经听到店员同等紧嘅顾客讲爽览已经卖晒，当时只不过系3:00咋。所以有兴趣嘅朋友记得喺两点前去到就最安全。