閨•家 (西九龍中心) (已結業)

今日行行下街想饮靓汤就黎左闺家。铁板鸡翼炒出前一丁配冻奶茶（下午茶餐）卖相好吸引！鸡翼腌得好入味，而且入口仲好脆，个人觉得比佢嘅招牌猪扒好食，但炒一丁今次略嫌炒得唔够镬气，有啲湿唔够干身，所以要尽快食，唔系食到尾会有啲黐住一嚿，而且佢用生菜丝代替咗芽菜，感觉又唔会觉得唔夹，整体味道几好。份量都👌另外单点大汤一盅闺家啲汤就一如以往咁！是日靓汤系：雪梨红萝卜煲猪展～料好足！饮第一啖就知唔系味精汤，完全同例汤唔同，我呢啲「汤怪」，次次食「闺家」都必叫～但单叫个汤真系有啲贵，虽然份量系多啲，但都系lunch跟餐要个细汤会比较抵饮。跟餐叫左杯冻奶茶～无咩特别～正常味道