影片
更多
2018-07-23
140 浏览
是日夜晚一家人去咗尖沙咀，一共四个大人去咗间中式酒楼食晚饭叹茶。讲开又讲，晚饭食西餐外国菜就多，又真系几耐无夜晚去酒楼食饭，的确系几回味。位于The ONE楼上嘅利宝阁，升降机门一开传来嘅系浓浓嘅茶香味，呢个都系我整晚特别深刻嘅体会。 平日不算十分人多，所以部长相当快捷地安排好坐位，睇过餐牌最后柯打咗6样菜式，1个叉烧饭配佛跳墙套餐，再柯打多2个甜品。等待其间，可能雨季所以室温都偏冻，此时饮一口香片，茶水够热冲泡时间刚好，完全挥发出香片嘅茶香，浓郁而且易入口。不稍一会，最先到达嘅系小菜、叉烧饭同佛跳墙，虽然系一客，但个人觉得份量够两人分享，叉烧少少肥岩岩好，口感适中易嚼，十分够味送饭一流；而佛跳墙更系令我爱不释手，除咗够哂足料之余且味道醇厚，饮得出老火炼成，热辣辣烫嘴饮真系好满足。其后接住有蒜片和牛粒、八味豆腐、脆皮香芒虾球。其中八味豆腐虽看似简单，但其实最容易烹调失败，不过店家却煮得出水准，皮脆带薯仔香，内里豆腐选材成功，滑而且带豆香，连脆皮一口食，食得出调味，唔会无味。而蒜片和牛粒都唔错，牛肉粒脂肪同肉嘅比例均匀，入口软身带牛肉香，夹住炸蒜片一齐食更添几分野味。然后明太子赛螃蟹、啫
平日不算十分人多，所以部长相当快捷地安排好坐位，睇过餐牌最后柯打咗6样菜式，1个叉烧饭配佛跳墙套餐，再柯打多2个甜品。等待其间，可能雨季所以室温都偏冻，此时饮一口香片，茶水够热冲泡时间刚好，完全挥发出香片嘅茶香，浓郁而且易入口。
不稍一会，最先到达嘅系小菜、叉烧饭同佛跳墙，虽然系一客，但个人觉得份量够两人分享，叉烧少少肥岩岩好，口感适中易嚼，十分够味送饭一流；而佛跳墙更系令我爱不释手，除咗够哂足料之余且味道醇厚，饮得出老火炼成，热辣辣烫嘴饮真系好满足。
其后接住有蒜片和牛粒、八味豆腐、脆皮香芒虾球。其中八味豆腐虽看似简单，但其实最容易烹调失败，不过店家却煮得出水准，皮脆带薯仔香，内里豆腐选材成功，滑而且带豆香，连脆皮一口食，食得出调味，唔会无味。而蒜片和牛粒都唔错，牛肉粒脂肪同肉嘅比例均匀，入口软身带牛肉香，夹住炸蒜片一齐食更添几分野味。
然后明太子赛螃蟹、啫啫辽参鸡煲随之而来，两者之中个人较为欢喜啫啫鸡，随热锅上枱，仍睇到锅中滚动嘅痕迹，传出阵阵爆香嘅蒜头姜片葱段香味，调味过嘅汁带微酒香，鸡肉同海参完全入味，令人欲罢不能。
品尝过以上各种菜式，依然感到未饱之际，我期待已久嘅肉丝煎两面黄终于到！无错，面饼加梅头猪肉同高汤汁系分开上，正当大家都疑惑是否要将汁倒入炸好面饼时，侍应教落可以先夹面到碗中再倒适合自己份量嘅高汤汁。虽感觉十分讲究，但的确咁做能保持面香脆嘅口感。呢个都系我极为深刻嘅菜式，肉林身份量多；面饼炸至金黄均匀；高汤汁调味好吃；而且细心剪开好六份，就唔洗怕夹到好乱或分不开，推荐！
最后两道苹果拔丝及鲜忌廉香芒卷双双到步。第一次柯打拔丝，好惊喜原来系一道咁嘅甜品，糖丝拉得比坐系到嘅人高，令众人都非常哗然，意料之外，果然食落甜丝丝不错岩哂小朋友，但感觉四人食，份量略多。反而香芒卷份量少，无咁甜，适个大人口味。但Never End！酒家原来仲会奉送红豆沙糖水，非常浓陈皮味，稀杰整度岩岩好，虽然系送但都唔马虎。
总结好饱好满足，酒家晚餐HKD250-300一人，个人认为同其他西餐或外国类型餐厅，价钱不相差太多，而且都化算，所以间中晚饭食中餐都系唔错嘅选择。
张贴
