金船長餐廳 (已結業)

朋友帮我淘咗一对蓝牙耳机，约咗我去奥运站交收，之后，佢问我有无兴趣一齐食饭? 佢见我扭扭拧拧就知我粮尾综合症又发作，就好豪气地叫我行啦，佢请。呢啲朋友世间已少有了，要感恩。我哋一直行到大全街，点知行行下又下大雨，好彩我有带遮，呢啲就叫做有饭同响，有遮同担。今晚 set dinner 有牛柳、鲈鱼、猪柳，可以拣，但系我哋都无拣到。反而，见到餐厅的墙上的特别推介，黑松露菌酱意式马斯卡普芝士夹比萨，似乎好吸引，就先叫了一份来食下，其他都系散叫。个样OK 㖞!Pizza 中间系好多好多黑松露酱，而外层就有好多芝士粉。食落系脆脆地，松松化化，有点近似饼干feel，然之后就系感受到好浓烈的芝士味和黑松露酱味，而这两种味都非常之夹，值得推介。另外仲有其他食法的，可以加些提子醋和有机菜一齐食，又有另一番滋味。叫了一个【蟹肉素鱼翅南瓜汤】，蟹肉虽然唔多，但系有蟹的鲜味，继而就系佢有好丰富的南瓜香甜味，加上素翅的独特质感，整个汤就造得好好饮。【宇治抹茶红豆奶昔】抹茶味香，红豆又香又绵。 吞拿鱼外层经轻轻烤过，里层就依然鲜嫩，加上黑醋，甜甜酸酸的，好开胃。【老虎虾拼凡立贝配天使面】天使面吸收了龙虾汁，所以味