芽莊越式料理

营业中

休息中

行咗一日，谂住揾个地方坐低慢慢食一餐，见到越南菜谂住稳阵啦就入咗去。点知佢话有限时，都算啦唔想周围揾位，入到去装修靓但系窄到好似晏昼食茶餐厅咁。我地叫咗个生牛肉汤河同番茄蟹汤檬。啲嘢到得几快，牛河卖相普通，牛肉份量合理，但系河粉唔够。越南汤河最注重就系个汤，但系食咗几啖到食唔出系咩味，大大啖饮个汤都冇乜美咁，除咗怀疑味精味。成碗野冇质素可言，连街边食都可能好味过佢。再嚟个番茄汤仲突破，谂住饮啖番茄汤，一入口又系同一只咸味，得好淡嘅茄味，所以好怀疑系用同一只味精，真系肚饿都食到唔食。如果系街边平平地三十蚊一碗都话可以过得去，喺呢度食就真系太过分。如果你肯比呢个价钱坐呢度咁就嚟食啦。