華御結

营业中

休息中

本身对饭团都冇乜太大兴趣，除左日本便利店有只流心蛋果啲。响香港食饭团多数都系因为太夜，又有啲肚饿，所以响便利店买黎食。其实响便利店都预左质素麻麻，虽然呢几年进步左好多，但始终旧饭都系好冻硬到死。而华御结呢，系有一日有少少饿但又未到晚饭时间，所以去左买佢地既饭团。每件都系十几蚊，贵争鲜少少但感觉高质好多咁。今次食左个蒲汁三文鱼饭团，出奇地好食㖞，一直觉得入面会系干争争，但反而佢地个三文鱼好肥美，好多汁，多到啲饭都有少少汁，好味。饭方便呢，系唔硬，不过冇乜味，又唔酸，佢又冇比豉油果啲，所以除左中间有三文鱼果part，其他位有少少淡。不过整体都系好味既。最后想讲下佢个包装，佢教人由中间开始打开，然后左右向两边拉开，咁个紫菜就包到旧饭。我想讲间直玩死自己，佢个紫菜太新鲜太脆，我一拉开，块紫菜就粉碎左，然后又好难拉㖞个包装，我有几啖系食完饭先食紫菜。