I Leisure (已結業)

外星姨仔话带我地去食好嘢，为食一家梗系二仔底死跟，屯马线由沙田去尖沙咀都系30分钟，车都可以唔使揸！呢间原来系楼上吧，不过晚上10点前做餐厅！姨仔知道我未食过小龙虾，所以特登带我嚟食，呢度做紧二人同行叫主食就送一份小龙虾，又香又麻嘅味道，真系会令人不停系咁食！“ShakeShake海鲜”唔食由自可，佢地呢个独家马来西亚辣汁，用袋Shake埋鲍鱼、虾、带子、蚬等等海鲜，真系好食到唔识形容，我地都系点小辣，嗜辣嘅老友可以加大辣度，肯定更惹味！“德国猪手”，我估唔到喺度食到一只我食过最好味嘅猪手，比起其他餐厅嘅更脆皮，肉质更滑更入味，100分！“夏威夷薄饼”令到我个咀刁嘅臭猪都系咁食，人仔细细食咗大半个，好味！装修雅致，令人舒服，服务又好又有礼貌，加分，下次一定再嚟食过，仲要留低饮吓酒掟吓镖！