滑嘟嘟

营业中

休息中

呢排好想食糯米糍，第一次去滑嘟嘟佢拉左闸唔开，白白浪费左时间同停车场费，过几日之后系屋邨楼下d面包舖买2个顶住瘾先，今日难得准时收工，再楂去睇下有无开啦，今次有开啦！即刻买左2盒，但系好失望，个皮厚到好似我包果d甘，又唔弹牙，同埋应该唔系今日包既，个皮已经有小小硬啦，糯米糍新唔新鲜一食就知，真系无得厄人，同以前既一个天一个地！！唔怪得而家成日做团购糖水，出左名就间间都系只向钱看，但唔会控制下个质素，个糯米糍真系唔会再食佢，好失望⋯⋯仲有仲有，要买佢记得要带袋去，胶袋要收$1，但佢唔系预先包装食物。