串王之王 - 正宗成都串串火鍋 (已結業)

女朋友好中意打边炉，所以今日又去打边炉。试下啲人成日讲嘅串串锅。本来仲惊会冇位所以book咗位先 点知去到人都唔多个。 唔记得咩原因送咗个小食，拣咗冰粉。重点嚟啦！其实食物种类都算多 不过唔知点解我觉得啲串烧都系烧好似好食啲， 好多都系落咗香料嚟腌，不过成都串烧又好似真系咁样做，不过呢度系用嚟打边炉，串串都腌得好入味。我个人系食肉兽，食咗大量肉类， 牛肉个人觉得几好食，可能落得腌料多，就算烚得耐都好软。少见地唔系台式火锅都有鸭血，呢样唔错。其实一串串咁食都算方便，唔洗下下大海捞针咁捞，可惜张枱唔够大，食得比较辛苦。同埋我坐近门口位，雪柜系最入，攞嘢食都行到好远。汤底都算浓， 可以入味嘅食物例如鸭血都入到。总括嚟讲味道唔错，如果再食都可以，不过如果坐得舒服啲就好喇。