一鳴屋台料理

营业中

休息中

今晚同妈咪一齐去食日本拉面同丼定食！餐厅系日式风格装修，坐得都几舒服！🌞🌞蒲烧鳗鱼滑蛋丼定食🌞🌞妈妈大赞丼定食好好食，份量好足够！鳗鱼有成个手掌咁大条，而且烧得爽脆香口，肉质嫩滑，肥美！再淋上甜甜嘅鳗鱼酱，真系好好食！个丼仲有渍物、牛舌粒同面豉汤！渍物脆口，带微酸，送饭真系一流！牛舌粒系炆的，细细粒，易入口，仲好好食，爽口，唔会觉得靭！面豉汤内面的海带份量都多！🌞🌞松露叉烧拉面🌞🌞拉面飘住阵阵嘅松露嘅香气，猪骨汤底浓厚不咸不腻，我选择幼面，硬度适中，不黏糊而且仲好挂汤！叉烧半肥瘦，入口松化，浸系松露汤入面更加出色！溏心蛋刚熟未熟，软滑香浓！🌞🌞芝士明太子玉子烧🌞🌞玉子烧卖相好靓，大件！上到枱仲会震腾腾！内里半熟嫰滑，蛋香味浓！而且仲有明太子酱，好正！一切开，芝士仲会拉丝！三种味好夹，好好食！服务:员工态度殷勤，热情！主动话有热水俾妈妈饮！值得一赞！妈妈表示好欣赏，下次会再黎试其他丼定食！