圓老爺雞煲小廚 (已結業)

其实我不嬲都中意去小菜馆食下D港式野，同朋友吹下水，饮下啤酒咁。不过香港大部分小菜馆好多都坐得好辛苦，又有D污糟。所以都唔系成日食到。不过呢间系元朗o既圆老爷就唔同，上次同朋友食过，坐得舒服，又够冷气，野食仲好有镬气，所以今次可以带埋女朋友黎试下。呢间圆老爷系主打鸡煲同小菜，上次同朋友食过鸡煲，今次就可以试下小菜啦。睇下餐牌都好多选择:我地拣左:1)蜜汁薯仔牛柳粒, 2)金银蛋苋菜,3)豉汁蒸鳝,4)蜜桃脆虾球蜜桃脆虾球:即使捞左甜酸汁炒过，虾球依然外层好脆口，内面就仲好爽口好弹牙，而蜜桃亦都好甜唔酸。大朋友同小朋友o既至爱。蜜汁薯仔牛柳粒:一开始食面头d薯仔已经觉得唔错，d薯仔系炸过既，再加上蜜糖汁，有微微嘅甜味，非常夹。神奇嘅系食到底d薯仔会变到好似蕃薯嘅味道，因为底嘅蜜糖汁比较多，但系都好味，牛柳粒都几腍几多汁豉汁蒸鳝:香浓o既配上豉汁鲜甜弹牙的白鳝，即使要lur骨好麻烦，依然食到停唔到！金银蛋苋菜:金银蛋好多下，苋菜亦都几嫩，汤唔算好浓，食完咁多浓味野食返d清菜o岩o岩好!!