京林屋 (明宮閣) (已結業)

呢间位于太古城嘅京林屋系日本京都嘅老字号店铺，主打抹茶同焙茶甜品，除此之外仲有唔同嘅茶同埋少量主食。入边装修非常之日式，静静地岩哂同朋友一齐叹好野Menu有好多款唔同嘅甜品，仲未拣到食咩嘅我就同朋友叫咗两款主食先第一个系鳗鱼饭，个饭用料十足，有两大块鳗鱼加上满满嘅鸡蛋丝再配埋甜甜嘅鳗鱼汁，够大碗得黎又好食。跟个饭仲有面鼓汤同埋前菜。朋友就叫咗个和食料理，可以睇到乜都有咁，最好食嘅就系个烧鱼同埋蛋饼，其他几款都未食过，食落去好特别，味道都好好。之后仲叫咗一个桃味焙茶，谂唔到个茶竟然有好好香嘅桃味，但系饮落一啲都唔甜，呢度有个茶壶俾你，仲好贴心咁有个教学俾你睇住冲，大概冲三次到，啱晒食完甜品冲走啲甜味啦甜品方面叫咗个系抹茶红玉金镈，新鲜嘅抹茶雪糕配上啱啱好好嘅多士真系好夹呀，佢嘅抹茶雪糕真系好香茶味，同平时食到嘅雪糕多士好唔同，呢个高质好多跟住仲有一个焙茶芝士蛋糕，钟意食焙茶嘅我当然要叫返个焙茶嘅甜品啦，个蛋糕做到好香茶味食落有rich嘅感觉，加埋个焙茶雪糕同埋红豆好满足，佢啲茶嘅甜品真系做得好好 下次会再黎食