Mr. Korea BBQ (已搬遷) 新店位置

咁大个女都未试过酱油蟹，一直都好想试吓，前排听讲呢间餐厅嘅酱油海鲜拼盘好好食，拿拿临book一日过嚟试吓๑˃́ꇴ˂̀๑食物质素唔错，仲要食完埋单𠮶阵老板话俾现金全单有八折优惠，第一次食酱油蟹嘅我表示几抵食 ˃̵͈̑ᴗ˂̵͈̑✎ 酱油海鲜拼盘材料有2只酱油蟹、4只酱油鲍鱼、6只酱油虾同紫菜饭。呢个海鲜拼盘真系好好食，鲍鱼几大块，劲爽口，质素唔错，而佢嘅汤汁清甜得嚟带点咸味，同时加咗辣椒同洒咗啲芝麻，食落惹味；虾滑嫩爽口；蟹壳附有蟹膏，蟹肉未熟嘅时候呈透明，口感如啫喱滑脱脱，嫩滑可口。整体嚟讲味道几清甜且新鲜，听老板讲个汤汁煮咗四个钟以上，即刻拎埋汤汁捞饭唔好哂哈哈！如果想食得更加浓味，可以点甜辣酱，味道同样出色！✎ 韩式拉面份量都几多，材料有拉面、菇、葱、萝卜丝。打咗啲蛋花落去，充满蛋花香味～✎ 特级牛小排肉质滑嫩，有咬口，油花都几靓。