開心餅店

营业中

休息中

其实好早就听讲 Happy Roller 嘅卷蛋好食，但一直冇机会试。最近难得去开旺角，就即刻嚟试下。佢地嘅门市就系「开心饼店」，「开心饼店」可以话系藏系旺角嘅宝藏传统小店！只睇店面真系睇唔出佢地有卖同佢地表面有啲违和感嘅卷蛋。「开心饼店」距离朗豪坊唔远，行大概 4 分钟就到！店面就系传统港式饼店嘅样，虽然佢地门口嘅雪柜有一啲港式嘅传统卷蛋，但个啲并唔系我地要揾嘅，因为老板将我地要揾嘅卷蛋放左系佢地厨房入面嘅雪柜，所以我地系睇唔到嘅。门口嘅雪柜有一个黑色板，个度写左「今天现货」，你就可以知道佢地个日有卖咩口味嘅卷蛋啦！拣好口味之后直接同老板讲就ok！但要注意嘅系，佢地只收现金，仲有每个礼拜二都唔卖卷蛋嘅。佢地依款卷蛋用左 0 卡稀少糖制作，少油少糖嘅。好多人话佢地嘅麻薯卷蛋好食，所以我最后就拣左「黑芝麻花生麻薯生乳卷蛋」。黑芝麻花生麻薯生乳卷蛋 - 甜度刚好！蛋糕口感湿润，黑芝麻味几浓，花生馅都唔甜，另外仲有细细粒嘅花生碎，提升左整体嘅口感，重点系入面嘅麻薯好软！就算食唔晒，放系雪柜整整一晚，第二日再食，麻薯嘅口感都冇太大嘅差别，唔会变到好硬。