影片
更多
2021-03-27
589 浏览
呢間餐廳就喺梅窩碼頭附近，唔使三分鐘就去到，好方便。未行到埋去已經見到好多人喺餐廳出面排隊，佢哋應該除咗遊客之外仲會做街坊生意，見到有啲人應該專登嚟打卡，又有人帶埋狗仔去嗰度chill住食嘢，仲有啲好似落街買杯啤酒飲。餐廳面積都幾細，有一半係室外但有簷蓬遮蔭。室內範圍其實都好開揚，所以無論坐出面定入面都feel到啲自然風又唔會好曬。等緊嘅時候見到店員會安排室內嘅客人轉去室外嘅兩人位再俾多人啲嘅團體入入面大枱坐，所以等位嘅時候短咗好多👍👍餐廳主打係pizza ，叫大批仲可以揀兩款唔同口味。佢啲pizza 種類都幾多，我哋今次就揀咗margherita 同salmon。個pizza真係好大份，薄批嘅邊脆過餅乾但食完唔會涸喉。salmon嗰邊每一個塊pizza都有一大片好嫩滑嘅三文魚，鹹鹹哋同啲芝士幾夾。另外一邊啲蕃茄醬好惹味，我哋兩邊都好鍾意食😋個mozzarella sticks 配咗啲蕃醬俾大家，不過我嘅重點都係邪惡拉絲芝士😈煙肉carbonara 正常發揮，我就覺得連埋煙肉一次過食係最好食嘅食法。最後我仲嗌咗個菠蘿汁飲，個菠蘿汁好似新鮮菠蘿榨出嚟咁濃味，飲到最後好似見到有啲菠蘿蓉添呀
餐廳面積都幾細，有一半係室外但有簷蓬遮蔭。室內範圍其實都好開揚，所以無論坐出面定入面都feel到啲自然風又唔會好曬。
等緊嘅時候見到店員會安排室內嘅客人轉去室外嘅兩人位再俾多人啲嘅團體入入面大枱坐，所以等位嘅時候短咗好多👍👍
餐廳主打係pizza ，叫大批仲可以揀兩款唔同口味。佢啲pizza 種類都幾多，我哋今次就揀咗margherita 同salmon。
個pizza真係好大份，薄批嘅邊脆過餅乾但食完唔會涸喉。salmon嗰邊每一個塊pizza都有一大片好嫩滑嘅三文魚，鹹鹹哋同啲芝士幾夾。另外一邊啲蕃茄醬好惹味，我哋兩邊都好鍾意食😋
個mozzarella sticks 配咗啲蕃醬俾大家，不過我嘅重點都係邪惡拉絲芝士😈
煙肉carbonara 正常發揮，我就覺得連埋煙肉一次過食係最好食嘅食法。
最後我仲嗌咗個菠蘿汁飲，個菠蘿汁好似新鮮菠蘿榨出嚟咁濃味，飲到最後好似見到有啲菠蘿蓉添呀，不過如果可以再冰凍啲就更好。
埋單每人都係百零蚊，好抵！下次再入梅窩應該會再去試埋其他口味嘅pizza！
张贴
