敏華冰廳 (V Walk)

营业中

休息中

呢间敏华冰厅我发觉佢好似越做越大，越开越多分店，但我之前一直都无咩机会试，因为佢其他分店成日都要等位，我就心谂：茶餐厅都要等位咁劲？今日经过呢道咁啱见到呢间唔洗等位呙。咁好？试一试佢先。一坐低我就谂都无谂叫左个酥皮蛋挞先，食住再谂正餐食咩。哗点知个蛋挞好新鲜滚热辣，酥皮够热好香，蛋挞好滑好甜，又唔会一食就散哂，出色！好至于正餐我决定拣黯然销魂饭，我相信大部分香港人都会知道即系叉烧蛋饭，我就即管睇下会唔会食到喊先。叉烧肉质唔错，真系旧旧都半肥瘦，加埋半熟蛋捞饭，虽然简单但处理得好好，食完好满意，唔怪得平时咁多人排队。