敏華冰廳 (V Walk)

营业中

休息中

週末到V Walk商場， 見到有敏華冰廳，就入去食午餐了。 店內座位比較狹窄，午餐 ～ 馬來三叔公咖央多士$33，啡走$3、 潮式沙茶牛肉公仔麵$57， 煎雙蛋 火腿， 歐式軟多士，凍奶茶$3。 🔸馬來三叔公咖央多士 ～ 多士烘過後特別脆口， 咖央和牛油是最好的拍檔，很美味。 🔸潮式沙茶牛肉公仔麵，煎雙蛋，火腿，歐式軟多士 ～ 沙茶牛肉公仔麵每次必點的，配煎雙蛋，火腿和軟多士，非常豐富。 🔸啡走 ～ 咖啡和煉奶分開上， 咖啡味香濃。 🔸凍奶茶 ～ 奶茶的冰粒偏多， 令整杯味道淡了。 敏華冰廳整體有水準， 間中都會來用餐。🏷️溫馨提示～ 整個用餐體驗均屬個人分享意見， 只作參考😊。

食左幾次 一次係食火煱 另一次不是就算係頹飯質素都不是太好重點：兩次出嚟都有啲強仔（細隻嗰啲）同我一齊走出餐廳 一次仲喺我對鞋上面衛生問題有點⋯搞到哩間分店以後我都不會再去！去都去第二間分店！

经常光顾的一家店，早餐味道很不错，最喜欢的是F餐公仔面，还有A餐的火腿蛋多士，唯一的美中不足是外卖的时候偶尔店家会忘记放点好的食物。最近一次是火腿蛋套餐忘记火腿。。

敏華冰廳都沒有指定午餐，所以後餐廳選擇想吃的食物。來到深水埗店在商場之内，地方不算大，午飯時間都不算太繁忙，還有座位入座。餐牌上自家製清新蕃茄，就來一份蕃茄雞扒飯 HKD63、凍檸檬茶少冰HKD3，全部都以QR Code自助下單，雞扒需要點時間煎香，所以要多等幾分鐘才送到。蕃茄醬汁帶點酸甜味，幾開胃。雞扒都幾大塊，煎得夠香，配上蕃茄醬汁又幾好味。整碟飯還配上少許蔬菜，整體尚算不錯。凍檸檬茶少冰，但飲上口確實是少甜，雖然沒有茶苦澀，味道有點不太容易入口，需要改善。可能地方不大，以自助下單，當有需要查問時，是沒有人看見處理，確實有點失望。

每次黎，都排長龍，其中一個原因係有位唔安排人入座，早餐時間，每個返工的人都趕時間的啊！明明好多位，都唔安排入座🤬🤬🤬真係好難理解🤔🤦🏻‍♀️是能力問題還是公司要求員工這樣做，無言

一個煎雞扒火腿茄汁豆早餐，要等15-20分鐘先有得食都算啦，黎到塊雞扒塊皮鹹到生腎石咁，塊火腿酸既，d茄汁豆煮熱都懶，凍既，好明顯直接筆出黎就俾人食，得塊包係正常，幾十蚊都唔係咁下話？

老婆今日狀態幾好，話挑戰一吓中距離、中級難度嘅山徑，咁就索性入屯門行一轉啦，目的地喺藍地水塘加洪水坑水塘。由於入到屯門，我哋家住美孚，梗喺買張屯馬線嘅全日通$28全日任搭，一來一回已經抵返晒。咁當然作為香港人，梗喺會用到盡，所以，行完山專登搭到去南昌，上V Walk搵食，結果，揀咗「敏華」貪佢有啲煲仔菜。雖然小弟好鍾意去食茶記，每次行完山梗係晌茶記食下午茶，就算唔喺嘅，都好鍾意去茶記食午餐，不過話時話，「敏華」真喺第一次幫襯。裏面嘅環境格局都喺好似一般茶記咁，二人枱、四人枱、卡位，不過呢間舖樓底幾高，再加少少復古裝飾。呢晚都見幾多人幫襯，不過，好彩入嚟嘅時候啱啱有張卡位，仲要挨埋一角。我哋喺門口睇勻啲餐牌，有無啱食先入去，所以，一坐低就已經可以點菜。基本餐牌就喺茶記常見嘅嘢食，早餐呀、常餐呀、茶餐呀、特餐、三文治、少少碟頭嘢、飲品呀……等等。另外，就有一個晚餐推介嘅餐牌，可單點，亦可選套餐多杯飲品，其實對比單點喺貴$10。依家已經有好多餐廳採用二維碼落單 心，「敏華」都唔例外，不過有樣嘢真喺讚一讚啲阿姐，佢哋好擔心啲客唔識搞，見你好似好耐都未落到單，就好主動走埋嚟問使唔使幫手。順帶一提

香港最出名就係佢嘅冰室，因為佢嘅嘢食簡單得黎，又有香港嘅特色👍 敏華冰廳係香港都有好多分店，好方便🙌唔知你有冇試過佢嘅「冰火黯然銷魂三文治」呢？🥪 整得好特別，入面係用咗冰凍沙律碎蛋同埋蜜汁叉燒粒，好豐富，食落好滋味👍另外佢都有好多常餐嘅選擇，我最鍾意就係食佢嘅「潮式沙茶牛肉公仔麵」🍜 再配埋炒蛋腸仔同埋多士，好豐富🥚 坐得好舒服，價錢都好適中，嘢食都上得好快，下次有機會嘅話想試埋佢嘅蛋撻👍

Vwalk大商場正中間位置敏華冰室已經係我平日食早餐既餐廳之一40蚊左右一個早餐，大商場黎講算係平民價、疫情既隔板令到所有枱位比較窄（見圖）放一個餐岩岩好，叫多樣野張枱唔夠位放，直接反映到香港寸金尺土嘅問題。同傳統茶記唔一樣就係一坐低要自助落單scan QR code唔會有侍應行埋黎問你食咩亦都冇傳統茶餐廳一坐低就派嘅熱茶黎過咁多次都係發現餐飲上得較慢第一樣野就黎左雙腸多士，如果口乾乾再加個烘多士都幾乾哽覺得哩方面可以改善一下，一係黎餐飲先或者派杯茶俾人飲先。沙嗲牛肉通粉配雙腸、加$1轉果占多士跟熱奶茶多士夠厚同脆卜卜主菜沙嗲牛肉通，牛肉食倒花生醬味同沙茶味地道熱奶茶平民價地理位置好，會繼續幫襯

夜晚又唔知食咩好諗住近近地就叫Vwalk敏華外賣啦打電話去叫‘’要兩碗夠薑豬膶牛肉米粉丫‘’店員：你要唔要餐呀？我：單叫同餐差幾多呀店員：啊….哩個…加凍飲就加飲品錢…我：咁姐係叫餐幾錢？我見餐牌寫單叫43店員：啊…..你叫咩話？我：夠薑豬膶牛肉米粉店員：啊….叫餐63我：咁唔洗喇單叫算店員：啊….咁………啊…...（依依哦哦左一陣好似未落過單咁）我：我要夠薑牛肉豬膶米粉兩份呀！（驚佢又唔記得再講）店員：啊…咁..…啊…..佢依依哦哦之間然後聽到電話直接俾左另一個店員b聽店員b : 你好，你要d咩？我：夠薑豬膶牛肉米粉呀、轉頭過黎拎過左十分鐘去到餐廳拎得一碗我話我係電話講左幾次要兩碗（無奈）不過佢地都好有禮貌講左幾次‘’唔好意思，你坐係度等等‘’ 食物質素同堂食一樣上次堂食叫豬膶米仲多d豬膶今次有牛肉分薄左啲豬膶咁有咬口既豬膶，覺得仲好食過深水埗維記食完會掛住想再食

一早諗住去食藥早餐，D呀姐D語氣差到極點食都唔食走左，今時今日點可以伙記係咁但公司又唔理！一間咁多分店既公司可以接受有咁既員工！但又可以唔處理問題，v walk 咁多餐廳你公司點做落去

第一次來食呢間嘢，不過唔會再幫襯！冇服務，又細份，又唔係特別好食！仲要價錢比其他茶記貴，垃圾，等個豬潤米都十幾分鐘！豬膶難食！曬錢曬時間！以後一定唔會再去！！！！

非常差環境樓面兩個女人，廚房女人，不断不停高聲大叫。嘈到癲，好地地行去厨房位講吾得咩，喺厨房出菜位又係大叫。痴線食物係好一般雙腸凍唯一豬潤軟林，好味以前好多薑，今日直頭見吾到，用义不断bug先見細小幾粒，湯少了以前的牛肉一般，冇味奶茶一般

一路聽人哋講佢個叉燒飯非常「黯然」，所以叫做暗然銷魂飯，今日我就嚟試一試佢有幾巴閉🤔食完個黯然銷魂叉燒飯之後，我係非常之失望，第一，叉燒肉比較硬，冇乜肉味，而且肉質比較乾，完全只係一般水平的叉燒另外滑蛋就非常值得稱讚，非常嫰滑，好香嘅蛋味，我諗佢哋嘅早餐應該唔錯；豬潤麵，味道亦都可以，豬膶湯算係濃郁而且有薑味，但同深水埗嗰間維基豬潤麵比較就有一段距離整體水平，除咗叉燒飯有一些失望之外，其他不過不失。

週末有時同屋企人去食早餐，以為食一次漏單，都吾緊要，點知食多幾次，都係漏單，出餐系統真係好有問題。我地次次跟單都要三催四請先有人埋黎，仲要態度好差禁問咩事呀，有好多次明明隔離枱遲入座，遲落單，都有野食，而我地次次都要催單！仲要繼續等先有。有次人哋食完，我哋枱仲未有！足足催左四五次單，我地都係叫下公仔麵 多士簡單早餐，個廚房都唔知搞咩，出勁耐都比唔到我地，啲呀姐侍應派餐又亂派，次次都要催先食到，真心不再光顧，冇下次！