Mango Tree Kitchen (太古城中心) (已結業)

香港工作实在相当大压力，每日都会充斥着好多不同嘅问题需要处理，就算发梦有时都会梦见到工作，一到放假时候真系想食丰富大餐减减压，今次我就约定朋友食呢间泰菜餐厅，俾大家一齐食大餐放肆一下。餐厅装潢雅致时尚，加上热带雨林主题，墙身更用咗好多竹材及旧木天然材料，加上手绘制嘅雨林动物及树叶图案，打造自然气息的空间。溏心女婿蛋先来前菜小食，经典泰式炸弹配上溏心蛋效果真系令我眼前一亮。非常钟意糖心女婿蛋外脆内软且香甜，配上特色酸子汁更加醒胃。招牌冬荫公(两位用)呢个菜式真心推介，因为平时饮冬荫公味道可能一系好辣、一系好酸或者好咸，但呢个冬荫公做得认真出色，酸辣味道相当平衡之余，而且汤内饮到有浓郁虾膏鲜味，食埋鲜甜嘅大头虾肉已相当满足。青咖喱慢煮安格斯牛肋骨本身呢个牛肋骨已经好好食，肉味浓郁之余，肉质亦相当软腍，加上微辣嘅青咖哩真系将佢提升多个层次。泰北胡椒烧春鸡呢个菜式原来系太古店限定先有，首先味道相当出色，鸡肉相当嫩滑之余，食落去更有淡淡白胡椒香，相当惹味。椰皇粟米新地钟意食椰子嘅朋友一定最爱，因为椰皇内系椰子雪糕、椰肉及椰汁，满满嘅椰子清香加上花生、粟米，增加层次，食埋呢个甜品真系超级满足了。