Attic Handmade Pasta (已結業)

金马伦道好多野食，间餐厅几grand甘，啲嘢食又唔太贵。装修几舒服几光猛。欢迎小食洋葱蟹肉tart，估唔到欢迎小食都有蟹肉仲要系新鲜。欢迎面包几软熟入边仲有果干。汤 好有西芹味烧春鸡烧春鸡入面酿咗啲蔬菜，肉质几好下面仲有个雀巢可以俾你食。蕃茄海鲜手工意大利粉呢度嘅手工意粉系出名，所以好推介呢度嘅意粉。份量系一人份量蕃茄味好重，海鲜有青口有蚬仲有带子。虾籽意大利粉呢个几特别好少食。初初以为可能味道比较淡，但系虾子有少少咸咸地，加上手工嘅意粉好薄好滑，食完觉得唔够喉。甜品 伯爵茶啫喱因为朋友生日所以写咗个名落去。初初以为唔会太大惊喜，点知食落去劲重伯爵茶味好香！超级推介。整体两个人食咗六百几蚊到，几抵食。