喜牛蘭州牛肉麵

营业中

休息中

经过好几次都见呢间餐厅有唔少人帮衬，作为牛肉面控，今日终于有机会试吓。餐厅主打系牛肉面，值得一提佢提供多款纯手工面选择，仲提供免费续面，啱晒一众大胃王嘅朋友。面食主要有七种，价钱由$58- $65不等，更可加$6配卤水蛋或加$28配两个素小食。饮品除咗有基本汽水选择之外，更有多款手打柠檬特饮，跟餐只需要加$18-$28。我哋两个人点咗「喜牛牛肉面」及「蕃茄牛肉面面」各一，一个点咗细面，另一个点咗荞麦棱子面款。佢嘅手工面做得十分出色，入口弹牙烟靭，钟意佢汤底唔会太浓，同面条及牛肉非常夹。另外牛腱入口好腍好入味，肥瘦适中，非常美味。蕃茄牛肉面汤底同面质同样出色，加咗蕃茄更添甜甜酸酸嘅味道，味道更有层次。荞麦棱子面款比起细面，质地更有咬口，下次可以试吓其他面型。两款素小食包括「凉拌土豆丝」及「凉拌黄瓜」份量都唔少，土豆丝带辣味，好开胃嘅选择。而凉拌黄瓜则味道清新，作为餐前小食非常一流。饮品点咗「鸭屎香柠檬茶」及「茉莉柠檬绿茶」各一，可以点少甜少冰，感觉健康啲。两款饮品嘅柠檬味好醒神，感觉清新。餐厅嘅牛肉面，无论系汤底或面质都好出色，价钱亦非常合理。钟意食牛肉面或手工面嘅朋友值得一试。