相馬日式火鍋 (已結業)

话说两年前曾经喺荔枝角分店食过大闸蟹放题，一直念念不忘🤤 今次到访西环店，餐厅环境阔落，座位宽敞又舒适，枱面够大有足够空间摆放一碟二碟。大闸蟹：系我最爱嘅公蟹，白膏口感黏稠，香甜可口😋食完一只接一只！中华辣汤：超足料，成个煲都系辣椒😍冇想像中咁刺激，放入蔬菜索尽辣汤好过瘾！唔系死辣，所以唔会盖过食材本身鲜味。单骨鸡翼拼盘：蜜糖、士匪同蒜蓉牛油等多款鸡翼，不过无辣不欢嘅我始终最爱麻辣味，够麻够惹味🤤鸡腿肉：油脂适中，肉汁澎湃💦吸收咗辣汤就更加香浓。杜之藏飒纯米大吟酿（呢个放题唔包）：充满水果柔和香气，饮落甘甜柔顺，喉韵悠长👏🏻