咖哩葉

营业中

休息中

今日同老婆行油麻地永安行到咁上下行到肚仔饿啦，就喺附近揾嘢食，行过对面见到呢间印度餐厅，老婆就咖喱兴大发，话要食咖喱同埋薄饼。就系咁我哋就入咗去呢间印度餐厅食嘢了。一坐低店员就送上呢个脆脆嘅薄饼俾我哋食，薄饼可以点三款酱，但我哋都冇点到个酱汁，因为就咁食已经好香胡椒味，已经好好食了。跟住就坐低睇吓餐牌点野食， 全程老婆发板，佢点乜嘢我就食乜嘢，哈哈。印式烤鸡块：鸡肉鲜嫩，咬落肉汁必晒出嚟，好味道！烧烤羊肉卷：食落有少少似德国肠嘅味道，小小辣，唔骚，味道不错咖喱虾：咖喱味浓烈，食落唔同我哋平时食开𠮶啲椰汁咖喱，好香，小小辣，虾爽甜弹牙，配上呢个印度咖喱一绝。牛油薄饼：一句讲哂皮薄馅靓！虽然佢俾咗个酱汁我地点，但我同老婆都系点左落个咖喱虾嘅咖喱到，因为佢个咖喱实在是太出色了。鸡蛋炒饭：呢个饭黎到嘅时候我出奇左一下，因为佢竟然系用四只霎蛋去炒😂 当然我哋梗系食唔晒啲蛋啦，讲返个炒饭先，佢唔似我哋平时食开嘅炒饭咁，个人觉得味道还可，食完啱啱好填饱个肚。总结：呢度嘅咖喱同埋薄饼的确出色，满足晒我老婆嘅需要，我老婆话下次再要食咖喱同薄饼，呢度系首选㖞。