影片
更多
2013-07-20
32 浏览
最近既一蘭拉麵帶起左一股拉麵風潮，但其實香港本身就有好多水準一流既拉麵店，雖然係五月個陣食，但依然想推介一下呢間Fujiyama55！先黎個煎餃子，非常簡單既小食，但做到脆邊，多肉汁，最緊要係夠熱！非常有heart！呢度既沾麵比較有名，友人叫左個櫻蝦沾麵。見顏色有d似蝦米仔，用麵輕輕一沾，櫻蝦馬上掛上麵條，好有口感。佢有一個小型電磁爐可以加熱，貼心。招牌之一，芝士飯，用你食剩既沾麵湯撈白飯加芝士，其貌不揚，但味道不錯(芝士味略淡，但湯底味夠濃了)。建議兩個人share一份，因為幾飽肚。柚子拉麵，呢個應該係上一季既期間限定，係絕對，絕對，絕對大既驚喜。柚子粒同湯底超絕配！柚子既果香中和左湯既濃味，風味非常出色，我係好少可以食完一餐都唔駛飲野。我成碗係一滴不剩連湯連麵KO晒！
先黎個煎餃子，非常簡單既小食，但做到脆邊，多肉汁，最緊要係夠熱！非常有heart！
呢度既沾麵比較有名，友人叫左個櫻蝦沾麵。見顏色有d似蝦米仔，用麵輕輕一沾，櫻蝦馬上掛上麵條，好有口感。佢有一個小型電磁爐可以加熱，貼心。
招牌之一，芝士飯，用你食剩既沾麵湯撈白飯加芝士，其貌不揚，但味道不錯(芝士味略淡，但湯底味夠濃了)。建議兩個人share一份，因為幾飽肚。
柚子拉麵，呢個應該係上一季既期間限定，係絕對，絕對，絕對大既驚喜。柚子粒同湯底超絕配！柚子既果香中和左湯既濃味，風味非常出色，我係好少可以食完一餐都唔駛飲野。我成碗係一滴不剩連湯連麵KO晒！
题外话/补充资料：
最近去佢已經轉左menu無左佢，寫呢篇食評除左想贊呢度既野食好，仲好希望老闆可以快d再賣呢隻柚子拉麵啦！
(以上食记乃用户个人意见 , 并不代表OpenRice之观点。)
张贴
