開飯主義

营业中

休息中

今日天气好好，朝早去咗大埔慈山寺参学！出返市区到已经3:30，喺广福路有好多唔同种类嘅餐厅，有鱼蛋粉，蒸饭，刀削面，等等唔同嘅选择！但我依然系钟意帮衬西餐厅，因为可以坐得舒服啲！而呢间餐厅亦都系本人经常帮衬嘅餐厅！因为佢嘅焗肉酱意粉系神级好食！！唔知大家有冇食过以前哈迪斯嘅牛肉酱意粉？佢嘅味道有八成相似，再加上意粉上面有劲量芝士，焗完出嚟拉到长长嘅丝！实在太吸引！讲返今次，除咗叫肉酱意粉之外，亦都叫多咗份焗猪扒意粉！佢呢度嘅猪扒系非常之林，阿婆冇牙都可以食到！焗猪扒意粉同肉酱意粉嘅芡汁都有所唔同，唔似普通餐厅，洋葱汁，茄汁，蒜蓉汁都系同一味道，同一颜色，呢一点真系值得赞！另带一题，呢度热柠茶嘅茶底系与别不同，有啲雀巢柠檬茶嘅味道！好香！整体而言，经过既朋友千祈唔好错过呢间餐厅！