影片
更多
2024-06-08
251 浏览
朋友喺自己食开嘅饭堂隔离见到一间新开嘅餐厅叫做聚福小厨，又系几香几多人晏昼时间会去食，今日就拉埋我过嚟试。餐厅位置喺巷仔入边，唔知窿路真系会错过咗，好彩餐厅喺大街都摆咗一块牌做吓宣传👍🏻👍🏻 餐厅唔算大，但好干净，仲有面纸提供。店员姐姐(姨姨?🙈🤣) 好好服务，好有笑容，我哋一坐低就俾咗一壶五花茶我哋饮。好有惊喜，冇谂过普通茶水会系五花茶，仲要足料，朋友食到罗汉果嘅味，平时唔饮凉茶嘅我，即刻觉得个人健康咗🫣🤩私家辣子鸡（半只） （ $138 ）首先，份量好大碟已经心心眼，加上佢好香麻辣味，已经令我胃口大开！鸡肉鲜嫩多汁，外皮酥脆，入口即刻食到麻辣味道，好惹味！麻辣的调味拿捏得恰到好处，唔会过于刺激，净系食到辣味，同时又品尝到鸡肉既嫩滑，令人回味无穷！🫰云耳西芹炒铁笔淮山 （ $98 ）冒住烟上碟，睇得出厨师真系即叫即整。铁笔淮山炒完之后口感柔滑，好易入口、西芹好脆爽、云耳就好清爽鲜甜。酱汁唔会太浓味，岩岩好令到3款食材味道更加突出。呢道菜清新爽口，可以中和另外两道菜既浓郁感，感觉我地叫得几好 😎😆豉油蚵马友（ $168 ）就咁睇相都feel到马友好入味，马友本身肉质细滑，弹牙可口，配上
私家辣子鸡（半只） （ $138 ）
首先，份量好大碟已经心心眼，加上佢好香麻辣味，已经令我胃口大开！鸡肉鲜嫩多汁，外皮酥脆，入口即刻食到麻辣味道，好惹味！麻辣的调味拿捏得恰到好处，唔会过于刺激，净系食到辣味，同时又品尝到鸡肉既嫩滑，令人回味无穷！🫰
云耳西芹炒铁笔淮山 （ $98 ）
冒住烟上碟，睇得出厨师真系即叫即整。铁笔淮山炒完之后口感柔滑，好易入口、西芹好脆爽、云耳就好清爽鲜甜。酱汁唔会太浓味，岩岩好令到3款食材味道更加突出。呢道菜清新爽口，可以中和另外两道菜既浓郁感，感觉我地叫得几好 😎😆
豉油蚵马友（ $168 ）
就咁睇相都feel到马友好入味，马友本身肉质细滑，弹牙可口，配上浓郁的豆豉酱汁 (但唔会抢左阵鱼香味)，真系想叫个白饭黎捞饭 (不过惊肥所以忍住左🫣)！ 但留意返，马友本身比较多刺，小朋友食就要小心D喇！🤤
结论
🫰食材新鲜
🫰味道出色，钟意食中式小炒真系要试
⚡️餐厅位置唔系大街，要行一行，不过识黎代表你识窿路，值得一试😍
仲有仲有~我见佢午市有套餐都系$55好平，仲送一碗超大碗既汤，物超所值✨ 学生有仲85折，冇咩事我都系下次返黎再食过！😙
好味度：9/10
回头度：9.5/10
张贴
