魚味市場居酒屋 (已結業)

同男朋友出西环有啲野做，顺便问下朋友西环有啲乜嘢好嘢食，朋友就介绍左呢一间居酒屋，入面环境虽然唔大但系就好有日本气氛，仲有一位相信系日本师傅向我哋鞠躬，好有礼貌。吞拿鱼腩刺身，我记得差唔多＄100一件，食落去入口即溶，同日本食既口感分别不大，实属难得。酒煮蚬，一上枱已经闻到一阵阵酒香味，食落每一旧蚬都有酒既余香朱古力酱鹅肝都系入口即溶好正啊杂锦海鲜丼，新鲜！特别要提一提个海胆都系好鲜甜唔似平时香港食到苦苦地果d。原粒帆立贝寿司同三文鱼腩寿司，师傅话帆立贝好大粒特登帮我地一开二。日式炸豆腐，我既最爱。总结，呢间居酒屋嘅价钱唔算好平，但系食材真系好新鲜，而且服务好好，值得再去。