鮨蕾 (已結業)

铜锣湾一向都出名多高质餐厅，特别 V-Point好多知名食府都进驻呢个地方。今次就同同事特登去入面 高级日本料理食Lunch。鮨蕾 Sushi Tsubomi可以饱览维港海景，再配合室内装潢感觉相当舒适时尚，而Lunch餐牌亦有多款选择，当中包括有Omakase或其他日式料理。两个set都系有更前菜、面豉汤、雪糕、饮品。同埋而家如果download返佢个Apps就有95折优惠薰‧刺身寿司定食卖相相当吸引，当中有2款刺身、3款寿司以及A4和牛乌冬。整体刺身相当新鲜，而且佢嘅拖罗都好有惊喜，肥美之余唔会有根。熟成拖罗寿司个人就非常欣赏，因为呢个系师傅 招牌菜，用咗10日去自家腌制拖罗，令到味道更浓郁，而且已经把筋溶化，出色。玉子外貌相当似海绵蛋糕，但系无用面粉整的。质感食落去相当绵密软熟，且带点咸香味。和牛乌冬更是今日的推介，和牛甘白软绵，入口即溶，配上滑溜嘅乌冬真是一食难忘。滑强猪扒丼吉列猪扒份量都几多，猪扒亦唔会好厚粉，又唔会好多肥膏，而珍珠米吸晒啲滑蛋汁，成个饭都好好食，最重要滑蛋真系好滑。