悅火 (已結業)

首先一碟有明太子鱿鱼渍伴三文鱼子，香鱼甘露煮，水果蕃茄，矶粒贝4款，每款都唔同味道，明太子鱿鱼既咸香同三文鱼子一齐真系好好食，香鱼味道都好特别，好浓鱼香，蕃茄又够鲜甜，矶粒贝都好有弹牙，一个咁既份量都好好食啦😚之后黎个毛蟹刺身，马粪海胆配青柠啫喱，毛蟹刺身好重蟹肉既香味，配埋大大粒既海胆，仲有滑捋捋既啫喱，口感好得意好正呀🤪而北寄贝，带子，樽菜就比较咸，味道较浓，同烟熏䲠鱼一样比较重味，汁煮八爪鱼都系比较浓味，但都好好食，咸得黎食到食材既鲜味，八爪鱼仲好爽弹添，超正呀😁深海池鱼同白身鱼薄切都系好考刀功既刺身，切得薄但又保持到鱼既鲜味质感，好正😙寿司有油甘鱼，沙锥鱼，富山白虾，拖罗，吞拿鱼，金目鲷，赤鯥鱼，海胆，另外又有卷物，最特别就一定系汤铁鱼，透明白色，味道浓郁独特，肉质就比较结实，令人回味🥰吸物系鲷鱼清汤，真系几清几香甜，唔错既汤黎，最后食埋日本蜜瓜就真系岩岩好，满足呀