新泰東南亞餐廳

营业中

休息中

今日黎到尖沙咀食饭，平时都见到K11对面摆左架笃笃，今日就去呢间新泰试试佢！啱啱放寛左限聚，明显入座既人多左，我地两个人就叫左好几个菜，包括：泰式生虾、烧牛柳、烧猪肉串、巴东牛肉、蒜蓉包、椰汁沙冰同埋芒果糯米饭。一上枱既生虾，外观唔错，虾型算系中等size，有啲餐厅啲生虾又细只又少，新泰做得唔错，配埋蒜头辣椒同个汁，真系凉浸浸酸酸地又开胃，为之后几道菜打响头炮。再黎烧牛柳，成日食泰菜都有烧牛肉沙律，今次第一次嗌，果然唔失望，外观牛柳偏干身，食落就juicy，再加上佢大约系6成熟左右，所以牛肉中间系红红地同软身，另外牛柳配有两个汁，我就最钟意佢一个好似黑椒汁咁既，食落更加惹味。再黎猪肉串，真系做到泰国街头烧既感觉，巴东牛肉好味，大大旧牛，个浓汁最啱就系点蒜蓉包，最后就系椰汁沙冰，成旧椰青装满沙冰，椰子味十足，最后既小遗憾系食唔到雪糕芒果糯米饭，不过都有芒果糯米饭补数 总算系完美既结局。