影片
更多
2024-10-03
670 浏览
朋友话最近有新bar好似几正，三人行一齐去试吓。照旧，试吓新餐厅之前睇吓人哋食评，跟机实冇死。其实佢都算几多选择，主要系泰式同越式菜。Pho Bo Beef ($138) + Bone Marrow ($75): 呢个差唔多每一台都叫嘅，所以我哋都唔执输。牛肉汤劲好饮，真系饮得出系好足料好有牛肉味道，同平时出边食嘅越南河粉唔同，出边会好清甜，但系呢一度就多咗一份牛肉嘅浓香味。牛肉份量都唔算少，自己钟意呢一度有唔同嘅选择，我地加咗一份牛骨髓，同样烧得都几出色，好有炭香味，而且都唔算贵。每逢食泰菜，自己一定会叫嘅就系炒通菜($58)。份量都正常，而呢个价钱其实都几抵食，但系如果唔系好食得辣嘅人就建议问吓可唔可以减少辣度，又或者叫其他嘢啦。蟹肉炒饭($138): 叫咗咁多牛，纯粹想食吓海鲜，好彩见到都几有镬气，而且蟹肉嘅份量都真系几多，除咗有几较大嘅之余，见到蟹肉丝都算多。抵食，而且都算几龙尾嘅，以酒吧来讲，质素算系有翻咁上下。主菜就叫咗烧牛扒($528): 自己好钟意呢道菜，朋友都话正，原因系因为食落去好香嘅炭烧味，而且其实唔需要点佢比嘅芥末酱同埋黑松露酱已经好够牛肉味道，而且牛扒上小小嘅
照旧，试吓新餐厅之前睇吓人哋食评，跟机实冇死。其实佢都算几多选择，主要系泰式同越式菜。
Pho Bo Beef ($138) + Bone Marrow ($75): 呢个差唔多每一台都叫嘅，所以我哋都唔执输。牛肉汤劲好饮，真系饮得出系好足料好有牛肉味道，同平时出边食嘅越南河粉唔同，出边会好清甜，但系呢一度就多咗一份牛肉嘅浓香味。牛肉份量都唔算少，自己钟意呢一度有唔同嘅选择，我地加咗一份牛骨髓，同样烧得都几出色，好有炭香味，而且都唔算贵。
每逢食泰菜，自己一定会叫嘅就系炒通菜($58)。份量都正常，而呢个价钱其实都几抵食，但系如果唔系好食得辣嘅人就建议问吓可唔可以减少辣度，又或者叫其他嘢啦。
蟹肉炒饭($138): 叫咗咁多牛，纯粹想食吓海鲜，好彩见到都几有镬气，而且蟹肉嘅份量都真系几多，除咗有几较大嘅之余，见到蟹肉丝都算多。抵食，而且都算几龙尾嘅，以酒吧来讲，质素算系有翻咁上下。
主菜就叫咗烧牛扒($528): 自己好钟意呢道菜，朋友都话正，原因系因为食落去好香嘅炭烧味，而且其实唔需要点佢比嘅芥末酱同埋黑松露酱已经好够牛肉味道，而且牛扒上小小嘅盐咁配已经好好食，上枱嘅时候系切好晒嘅，所以要趁热食，而且见到真系好鲜嫩，有满满的肉汁流出嚟，而且冇乜筋，出色之作！
参考上面见到有一道𩠌叫做DIY($58)，好奇心驱使之下叫咗啦。原来系自己整嘅类似越南春卷咁样嘅，有菠萝，生菜，青瓜，酸菜，而且有滨洗(米粉)。呢碟完全中晒我想食嘅嘢，好有越南嘅风味，味道可以自己调校之余，仲想食咩就可以拣乜嘢，正。
甜品叫左Sticky rice & coconut ice cream ($118): 完全冇谂到呢两样嘢可以加埋一齐，但系加咗一齐又几好食，好香嘅椰子雪糕，而且糯米饭会系个底嘅，所以加埋一齐食咗几夹，自己觉得如果可以加少少新鲜嘅椰子肉会更加好。
饮品方面每人叫咗一杯: Citrus Splash ($88) 几清新容易入口。Mamtom Cooler ($88)比起前者，呢个青柠味道更加突出。French red wine ($75 per glass) 朋友拎嚟送牛扒嘅，佢话正正常常。
总结：自己觉得呢一间虽然话系酒吧，但系嘢食更加出色，绝对啱晒班朋友过嚟倾偈咁样过一个夜晚，三个人食晒所有嘢都真系几饱。而且呢度新装修得几靓，价钱亦都唔贵，我哋去食嘢𠮶晚系平日，但系好耐冇见过全院满座嘅情况！
张贴
