海王漁港

营业中

休息中

坦白讲其实我地呢代人开始有d食厌传统酒楼，原因好简单，收费唔平加食物质素参差，好多时都失望而回，不过今次不抱住期望去反而有惊喜。清蒸阿拉斯加长脚蟹，最近酒楼都好兴食长脚蟹，多人食更加抵食，呢度蒸得岩岩好，唔会过生或过老，蟹肉鲜甜肥美多汁，蟹膏甘香，蟹盖size好比一个人头，直接食或是捞饭都好正。盐烧八头南非鲍鱼爽口弹牙，平常多数以酱油清蒸方法，今次盐烧仍然可以保持鲍鱼肉质嫩滑，将鲜味大大提升。瑶柱香妃鸡皮薄肉嫩，个人比较中意直接食、唔沾任何酱汁，食到原本鸡的鲜味。海王烧鹅皇食左太多肉，点都要叫返d蔬菜解下腻，兰花如意炒带子、金瑶扒豆苗同样系诚意之作，份量好足够，新鲜美味。