金記冰室 (黃大仙中心南館) (裝修中)

今日去开黄大仙 见到呢间有少少怀旧feel嘅茶餐厅 我就入去试吓 见到Menu劲多选择 基本上一间茶餐厅有嘅嘢佢都有 仲有好多特色野 两个人食真系冇办法 肚嘅空间有限 咁我哋拣咗下面几款食物铁板美式什扒薯菜-份量超级超级大 一上枱嘅时候我同朋友都即刻哗一声 有牛扒猪扒鸡扒火腿肠仔仲有薯条杂菜 基本上𠮶度争少少就高到林落嚟咁 黑椒汁另上 林落去嘅时候渣渣声 虽然价钱唔贵 但意想不到食物质素好高 猪扒牛扒鸡扒全部好淋身 吸收埋黑椒汁食完一啖又一啖 啱晒食肉兽生炸鸡脾即食面-个鸡髀炸得好香脆 薯仔沙律份量好够酸酸甜甜好好食 仲有配出前一丁份量一啲都唔小 女仔食完全饱到夜晚果餐饭都唔使食冻奶茶-茶餐厅嘅奶茶真系特别好饮 唔会太甜 奶味茶味都好足