紹華小廚

营业中

休息中

天气越嚟越冻，人都变得懒洋洋。咁冻的天气唔系成日有，而冻个阵除左打边炉，食鸡煲外，最啱就系食煲仔饭。嚟咗爱秩序湾的市政大楼，入面有一间好出名食煲仔饭。 约莫七点几，𠮶度已经坐满晒人喇! 几乎每枱的人都系嗌煲仔饭，而我地一坐低，谂都唔使谂就叫咗两煲煲仔饭。来到的时候，侍应就徒手帮我哋打开个盖，淋豉油，然之后又盖返个盖。跟住等2分钟，就可以打开个盖食啦!土鱿肉饼饭呢个饭比腊味饭失色，油份唔系太多， 不过个鱿鱼好似有烧过的效果，入口有系街边食烩鱿鱼个只香味。合时腊味饭有腊鸭、腊肠、润肠和腊肉，啲料真系好丰富， 当中腊鸭比较咸，只有腊肠同埋腊肉系好香，有啲酒味。不过我嫌啲饭都未够㶶，个边都冇饭焦。