樂園魚旦專家 (德田街市)

营业中

休息中

探完朋友系楼下街市食好西，想食汤面朋友就推介呢间好多分店既粉面店，我叫左个牛三宝粗面加墨鱼丸，朋友则叫左牛杂米线加底加鱼蛋，屋邨连锁面店黎讲佢哋系几出色，第一，佢哋个腩汁味道非常浓郁，牛三宝包括牛筋、牛腩、金钱肚，要赞下佢个牛筋，真系超级稔，几乎入口即融，金钱肚爽口，连汤汁好正，牛腩脂肪瘦肉分布平衡，两种口感都有晒，而且肉质一啲都唔韧，好易咬开，墨丸弹牙，绝对唔会过多粉浆，朋友叫嘅牛杂米线加鱼蛋都好好味，超级足料，鱼蛋佢哋仲要系自家制手打白鱼蛋，劲爽弹，我自己第一次食牛肠，个口感都几特别，啲内脏全部都好干净，师傅手工好好👍