品穀

营业中

休息中

放假天同老公出街揾嘢食，行吓行吓去到佐敦，经过间舖头见到好长嘅人龙排紧队，，人嘅心态就当然系行去八卦下啦。就系咁发现左间正嘢啲人排晒长龙喺度买面包🥯，为嘅就系佢嘅牛角包🥐，咁咁多人买就唔好执输，梗系要买番只黎试吓啦。就系咁，一时嘅八卦，我哋就等咗呢个牛角包40分钟，系！你冇睇错真系足足40分钟。𠮶刻真系心谂，有冇咁巴闭吖个包要等咁耐☝🏻既然个包要等咁耐梗系要试吓铺头其他嘅产品啦，我哋就买咗呢个三重朱古力包，外表平平无奇，但食落系好好味，三重朱古力就系朱古力面包，朱古力粒，然后再加个软心朱古力馅，我唔系朱古力fans都觉得好好食，值得回购。面包松软朱古力味香浓，绝对唔系空气包过咗40分钟之后主角就嚟啦，睇吓个样。又真系值得等嘅，虽然真系有啲耐。抹茶牛角包等咁耐嘅原因系因为个包即叫即整，可能因为我买𠮶阵多人做唔切啦🤭，牛角包咬落口系好松脆，会食到成个身都系碎，咬多两啖就会食到抹茶馅，冻冻地嘅抹茶馅配一个暖暖地嘅牛角包一啖咬落去有几种嘅口感，另外，牛角包插着一支抹茶酱，店舖都建议大家食之前可以唧的酱系牛角包上面食。